Ludoj en Esperanto

Ĉe nia retpaĝo vi estas bonvenaj ankaŭ por kontribui!

La Zizeloj vere ŝatas ludojn! Kiam ili estis tute etaj, ludoj estis etaj ankaŭ. Tiam ili mezuriĝis je bitoj, kaj fingroj sur du piedetoj sufiĉis por tiujn bitojn kalkuli, kaj du fingroj eĉ restis! Kaj nun bitoj plimultiĝis, ili iĝis multoble pli multaj ol fingroj sur ĉiuj piedetoj, kaj ludoj iĝis tiom belaj, ke foje eĉ spirado perdiĝas. Kaj sincere amante tiajn ludojn, ni tre-tre volas ludi ilin en nia ne malpli sincere ŝatata Esperanto.
Nun ni havas eblon doni lokon sur nia retpaĝo ankaŭ por viaj tradukoj, aŭ eĉ por ludoj originale kreitaj en Esperanto (certe, se ilia aŭtoro ne kontraŭas!). Kaj ankoraŭ ni malfermas ĉe nia retpaĝo rubrikon, kie vi estas bonvenaj rakonti en Esperanto pri viaj ŝatataj ludoj, pri via unua luda sperto, pri historio de videoludsistemoj aŭ pri io ajn, ligita kun ludoj. Sentu vin kvazaŭ hejme!

Bonvolu sendi viajn kontribuojn al zizeloj@gmail.com.

Laboro pri la traduko de Resident Evil 4 estas finfarita, la fina versio estas elŝutebla!

Abomenaj Zizeloj kun ega fiero anoncas, ke laboro pri la traduko de Resident Evil 4 finfine estas plenfarita! Tio estis tre malfacila projekto, estis kreitaj multaj iloj por laboro kun dosieroj de la ludo, estis tradukita grandega aro da teksturoj, estis farita amaso de eraroj, kaj poste aperis eraroj pro korektado de eraroj, sed ni tre ĝuis okupadi pri tiu-ĉi ludo! Ni esperos, ke iu same ĝuos ludi ĝin kun nia traduko!

Tio estis tre mojose! Kaj ni jam okupiĝas pri novaj projektoj. ;)=